MENAXHIMI I PROJEKTEVE (LIDHUR ME ZHVILLIMIN SOFTUERIK)
Synimi ynë është menaxhimi efektiv i projekteve duke siguruar zhvillimin e zgjidhjeve (solucioneve) të suksesshme softuerike brenda afatit të caktuar në marrëveshje. Për ta zhvilluar dhe ekzekutuar një plan efektiv të projektit, ne i përkufizojmë kërkesat e sakta për zgjidhjen tuaj, dhe pastaj zhvillojmë procese që do t’i plotësojnë këto kërkesa.
Ne planifikojmë projektin që të sigurojmë që të gjitha çështjet e rëndësishme që mund të shfaqen gjatë fazës së ekzekutimit janë identifikuar dhe zgjidhja (solucioni) është propozuar. Udhëzuesit e procesit dhe shabllonet e procesit sigurojnë që proceset e përcaktuara janë ndjekur në vazhdimësi gjatë gjithë planit kohor të projektit si dhe gjatë projekteve paralele.
Ne gjenerojmë raporte të vazhdueshme për të ndihmuar monitorimin e statusit të projektit në çdo pikë të caktuar kohore, duke përfshirë aspekte të ndryshme siç janë afati kohor, produktiviteti dhe cilësia.
Gjatë menaxhimit të projektit ne përqendrohemi në:
-
Ndjekjen e informacionit, përfshirë burimet e ndryshme të informatave dhe përcjelljen e rrjedhës së projektit
-
Ndjekjen e afateve, duke u siguruar që janë përmbushur afatet kohore dhe ndryshimet e proceseve janë efektive
-
Komunikimin për statusin e projektit dhe ndryshimet e procesit
-
Sigurimin e kualitetit dhe rrjedhës së verifikimit dhe vërtetimit.